«Кугарня» газет – «Марий Эл» увер агентстве»

📢 9-13 ноябрьыште кундемыштына ТУРИЗМ АРНЯ эрта. Республикысе туризм аланыште тыршыше-влаклан туныктымо семинарым, тренингым, деловой модмашым, мастер-классым эртараш палемдыме. Тушко муниципалитет-шамычын еҥыштым, туроператор-влакым, унагудо, санаторий, тоштер да тунемме тӧнеж-шамычын пашаеҥыштым участвоватлаш ӱжыт.

🔸9-15 НОЯБРЬЛАН КАЛЫК ПАЛЕ 9 ноябрьыште ночко лум леве телым сӧра. 10 ноябрьыште чодыраште урым вашлияш – левыктымылан. 11 ноябрьыште кӧгӧрчен-шамыч пеш йӱкланат гын, игече сай шогышаш. 12 ноябрьыште кава мучко шем пыл писын кая але тудо ошалге-сур пыл дене леведалтеш – игече кужу жаплан локтылалтшаш. 13 ноябрьыште пӧрткайык-влак чогыматат гын, игече левыктышаш. 14 ноябрьыште корно пеш лавыран – игече декабрь тӱҥалтышлан гына йӱкшемдышаш. 15 ноябрьыште игече леве шога гын, телымат левым вучыман.

Оласе ӱдыр — вольыкым ончымаште Йошкар-Олаште шочын-кушшо Анастасия Забродина «Семёновский» племзаводын Ново-Коминысе комплексыштыже ветеринарный фельдшерлан тырша. Ӱдыр ветеринар профессийым молан ойырен? Мо дене пашаже сымыстара? Тидын да моло нергенат шкеж дене кутырышна. – Мый Йошкар-Оласе 10-шо номеран школышто шинчымашым погенам. Школ деч вара Ежово селасе Марий аграрный колледжыш профессионал шинчымашым налаш пуренам. Тудым пытарымеке, Марий кугыжаныш университетын студентше лийынам. Кызыт нылымше курсышто улам. Йоча годсек янлык-влакым йӧратем, нунылан тӱрлӧ семын полшен кертшаш ыле…

Шке кид дене ыштыме – эн тамле 🥟 Курыкмарий район Йоласал селасе тӱвыра да ремесла пӧртыштӧ уна-влакым эре куанен вашлийыт. Шукерте огыл тушко Микрӓк селасе музыкальный школ гыч ӱдыр-рвезе-шамыч уна лийыныт. Нунылан оҥай программым ямдыленыт. Кочкаш ямдылаш туныктымо мастер-классыште икшыве-шамыч курыкмарий подкогыльым тӱрленыт. Нуно тыгак ты когыльлан руашым кузе чын ямдылаш пален налыныт. Аралтыш курчакым ыштыме усталык занятийыште кажне йоча тыгай курчакым шкаланже ямдылен. А мучашлан ӱдыр-рвезе-влак шке кид дене тӱрлымӧ подкогыльыштым тамленыт да чайым йӱыныт. 📸Йоласал селасе тӱвыра…

Марий Элысе районлаште тыгай лӱман республикысе конкурсын муниципальный этапше эртарлтеш. Ты мероприятий Россий калык-влакын икоян улмо идалыклан пӧлеклалтын да «Молодёжь и дети» нацпроектын «Регион для молодых» программыж почеш эртаралтеш. Конкурсыш шке тукым йӱлам палыше да тудым аралыше, ончыкылык тукымым куштымылан кугу тӱткышым ойырышо еш-влак ушнат. Теве Кужэҥер посёлкысо книгагудышто эртыше кечылаште конкурсын этапышкыже Руш Шой села гыч Казаковмыт да Токтайбеляк села гыч Ибраевмыт ушненыт. Участник-влак кок номинаций почеш ямдылалтыныт: «Еш тоштер» номинацийлан шке ешысе реликвий-влак…

У НОМЕР✅

📲МАКС национальный мессенджерыште «Марий Эл Республикын цифровой сервисше-влак» чат бот пашам ышта Тудын полшымыж дене республикысе кучем орган-влакын каналышкышт куснаш лиеш, тушто официальный информаций савыкталтеш. Мутлан, бот Марий Элым Вуйлатыше Юрий Зайцевын, регионысо Правительствын, республикысе РСЧС-ын, МФЦ-ын да молынат каналышкышт писын куснаш йӧным ышта. Тыштак министерстве ден ведомство-влакын регионысо чат-ботыштым погымо. Нунын коклаште: 🔹«Онар» – регионышто военнослужащий-влаклан социальный полышым пуымо мере-шамыч нерген палдарыме сервис; 🔹«Мое здоровье» – медицине услуг…

🔸 2-8 ноябрь – Шодо рак чер деч аралалтме арня. Российыште кажне ийын шодо рак деч 27 тӱжем наре еҥ кола. Моло онкологий кокла гыч тиде чер деч – эн шуко. А чер шарлыме дене шодо рак – кокымшо верыште. Тудын вияҥаш тӱҥалмын да шарлымын амалже коклаште – тамакым шупшмо, генетический фактор-влак, химический, физический да биологический пӱртӱсын лӱдыкшӧ агентше-влак. Ты чер да тудын деч аралалтме нерген Марий Эл Республикысе Тазалык аралтыш министерствын тӱҥ внештатный онкологшо Анжелика Желаева радамла: 🔖 https://кугарня24.рф/ондакрак-пален-налаш-гын-эмлалташ-лие/

🎭 19-30 ноябрьыште Г.Константинов лӱмеш академический Руш драмтеатрыште йӱлаш пурышо «Келшымаш кӱвар» калык-влак XXIII фестиваль эртаралтеш. Йошкар-Ола латкок кечылан театр сымыктышын рӱдышкыжӧ савырна. Тушко Чуваший да Татарстан Республик-шамыч, Моско, Ульяновск, Санкт-Петербург, Мытищи да Владимир олала гыч артист-влак толыт. Г.Константинов лӱмеш академический Руш драмтеатр «Царская охота» исторический драмым да «Двенадцатая ночь» комедийым ончыктат. Тыгак М.Шкетан лӱмеш Марий национальный драме театр уна-влаклан «Записки юного врача» спектакльым пӧлекла. Фестивальын афишыж палыме лийын…

28 ноябрьыште Йошкар-Оласе Сеҥымашын ХХХ-шо идалыкше лӱмеш тӱвыра полатыште Тамара Дмитриева лӱмеш IV регион-влак кокласе «Тывырдык» марий куштымашын фестиваль эртаралтеш. Тушко ушнаш усталык коллектив, ансамбль, куштымаш театр да хореографий студий-влакым ӱжыт. 🔹Йодмашым 16 ноябрь марте Яндекс Формо гоч https://forms.yandex.ru/u/6ae73029ff534e3bccd6efc4/ колтыман. 📑 Фестиваль нерген положений: https://rnmc-rme.ru/?ELEMENT_ID=2553