МАРИЙ ЭЛ | увер йогын | лента новостей

Чодыраш тарванеда? «Йоша» чат-бот ямдылалташ полша. Сервис МАКС мессенджерыште сутка мучко пашам ышта. Тудым тыге муаш лиеш:. 1. МАКС мессенджерым почса 2. «Марий Эл Республик» регионысо сервисын единый порталышкыже кусныза. 3. «Органы власти» ужашыште «Йоша» чат-ботым ойырыза. 🌐Тыгак ты чат-ботыш тыгай ссылке почеш эртен пураш йӧн уло: ⁠max.ru/respublika... ✅Кумданрак – картычкылаште.

Пост без текста

Йолташ-влак, "Марий Эл" газет "Марий пайрем ден йӱла кечышот" календарьым шукертак савыкта. Теве 2027 ийланат сылне календарьым ямдылен шуктымо. Эртыше кечылаште "Марий Эл" увер агентстве тудым редакцийышкына конден. Календарьым кок тӱрлым ямдылыме. Иктыштыже - Провой кундем Ташнур ял гыч Дружининмыт еш Йошкар-Олаште Угинде пайремыште улмо фотошт. Тудым фотограф Пётр Васильев ыштен. Ты еш кажне гына марий калыкын киндым ончен куштымо гыч коҥгаште кӱэшт лукмо, ӱстембаке шындыме марте радамым ончыкта, икманаш, киндын акшым умылаш полша. Вес календарьыштыже - Морко районысо Кӱчыкэҥер ялыште верла…

Марий Элыште илыше-влак «Барс» территориальный обороно отрядыш ушнат. Контракт 3 гыч 5 ий марте ышталтеш. Ты контрактын ойыртемже – службо лач Марий Элыште гына эрта. Республикым кудалтен, вес регионыш каяш огеш кӱл. Тыгодым кажне тылзын выплате лиеш, паша верыште окса довольствий ден кокла пашадар аралалт кодыт. ☎Лекше йодышым военкоматыште але тыгай телефон номер дене рашемден кертыда: +7 (8362) 640091, 452834.

✨ Йошкар-Оласе Йоча усталык полатын "Изи пеледыш" (вуйлатыше Наталия Морозова, педагог-хореограф-влак Ольга Васильева ден Екатерина Лобанова) калык куштышо ансамбльже Минскыште эртаралтше "Творчество без границ" фестивальыште икмыняр сеҥымаш дене палемдалтын: - "Калык куштымаш" номинацийыште 2-шо степенян лауреат; - "Стилизоаватлыме калык куштымаш" номинацийыште 3-шо степенян лауреат. Фестиваль 3-5 ноябрьыште эртен. Тушто Россий, Беларусь, Казахстан да лишыл йотэлла гыч чылаже 50 утла коллектив мастарлыкым ончыктен. Фотом ансамбльын альбомжо гыч налме.

Пост без текста

🎶 🪗 Волжский муниципал округысо Ярамарий тӱвыра пӧртын «Чолпан» ансамбльже шке кундемысе мурсем поянлыкшым моштен арала. Коллективым чолга да усталык шӱлышан Наталия Строителева идалык утла вуйлата. – «Чолпан» дене вашлийын мутланыме кумылем нӧлта. Нунын шинчаштышт куаным ужам да умбакыже адак тыршем. Кажне репетицийыш я кӱэштын гына лукмо шокшо мелнам, я тамле когыльым кондат, – каласкала вуйлатыше. – Южгунам кечываллан йыҥгыртат да «Мый кумакаш (коҥгаш – А.Б.) олтенам, шокшо кочкышым кочкаш тол» маныт. Поро, тыматле койышан улмышт дене авам гай чучыт. Мыйым чылт ӱдырышт семынак ӧндалыт…

Советский район Ӱшнӱр черке вуйыш 10 чаҥым нӧлталыныт. Ынде кажне службо деч вара чаҥ йӱк уло кундем мучко шергылтеш. Ӱшнӱр черкын пу гыч ыштыме икымше оралтыжым 1760 ий 18 ноябрьыште нӧлтеныт. А 1807 ий 27 мартыште Вяткысе архирей Гедеон тудым кермыч гыч ышташ грамотым луктын. 1812 ийысе Отечественный сарыште Наполеоным сеҥыме деч вара пашам тӱҥалыныт, тиде сеҥымашланак храмым пӧлекленыт да 1816 ийыште чоҥен шуктеныт, Петр ден Павел апостол-влак лӱмеш юмын шӱлышым пуртеныт. 1959 ий гыч черке чаҥ деч посна шинчен. Ургаш села гыч Любовь Давлятова огыл гын, кызытат эше ок лий ыле дыр. Эргыже А…

📰🍂Газетнан у номерыштыже лудаш темлена: ✅Россельхозцентрын Марий филиалже 2008-ше ийыште кугыжаныш семенной, кинде инспекций-влак, кушкылым аралыше станций негызеш ышталтын. Филиалын шуктымо пашаж нерген тудым вуйлатышын алмаштышыже Татьяна Куклина дене "Ялозанлык" лаштыкыште мутланыме. ✅Кыдалаш профессионал образованийым налше-влак коклаште эртаралтше «Идалыкын студентше» конкурсын «Идалыкын старостыжо» номинацийыштыже сеҥыше-влак гыч иктыже – Йошкар-Оласе Торгово-технологический колледжын студенткыже Диана Ли. Мемнан кундемлан ойыртемалтше фамилиян тиде тунемше кушеч, могай специальность…

Марий Эл Республикын калык кидмастарже Лидия Веткина ынде 30 ий тӱрла. Шукерте огыл Йылмым, сылнымутым да историйым шымлыше В.М. Васильев лӱмеш марий институтышто калыкнан этнологийжым шымлыше Тамара Молотован шочмыжлан 70 ий теммылан пӧлеклалтше шанче-практик конференций годым тудын кидпаша ончерже эртыш. Кажне пашаже шинчам куандара, а мыняр тидлан жапше каен, тогдаяш гына кодеш. Вет кажне пӱшкылжым шонен, вискален ыштыме. Шкенжын чийыме вургемжат, сӧрастарышыжат пеш мотор, чатка. Санденак мероприятийыш элнан финн-угор кундемлаж гыч толшо делегацийла гыч посна еҥ-влак южо тӱржым кучен ончы…