"ЮЛДАШ" радиоhы 105.5 Fм

❗️Радий Хәбировҡа тура бәйләнешкә һорауҙы QR-код һәм чат-бот аша ебәрергә мөмкин Тура бәйләнеш 11 ноябрҙә 19:00 сәғәттә үтә. Үҙегеҙгә уңайлы майҙансыҡты һайлағыҙ, QR-код аша үтегеҙ һәм боттың күрһәтмәләренә эйәрегеҙ: 🔹 MAКС 🔹 «Бәйләнештә» 🔹 «Класташтар» 🔹 «Дәүләт хеҙмәттәре» Мөрәжәғәт ҡалдырыу өсөн шәхси мәғлүмәттәрҙе эшкәртеүгә ризалыҡ бирергә, фамилияғыҙҙы, исемегеҙҙе, атайығыҙҙың исемен, ҡалағыҙҙы йәки районығыҙҙы һәм адресығыҙҙы күрһәтергә кәрәк. Артабан һорауығыҙҙы яҙығыҙ йәки видеоға төшөрөгөҙ. 📺 Тура эфирҙы 11 ноябрҙә 19:00 сәғәттә БСТ, «Россия 24», «Башкортостан 24», «Вся У…

🎵AY YOLA төркөмө Түбәнге Новгородта «Берҙәмлек символдары» боҙ тамашаһында сығыш яһаны. Халыҡтар берҙәмлеге көнөнә арналған сара Volga Аренала үтте. Унда боҙҙа фигуралы шыуыу һәм эстрада йондоҙҙары ҡатнашты. "AY YOLA" төркөмө йырына боҙҙа Полина Пилипенко менән Егор Базин сығыш яһаны. «Ижадыбыҙҙың фигуралы шыуыусылар хәрәкәттәре аша сағылышын күреү беҙҙең өсөн яңы, үҙенсәлекле тәжрибә булды», — тип уртаҡлашты музыканттар.

▶ Видео

🥳🎉 Хеҙмәттәшебеҙ, тауыш режиссеры, композитор Гөлйемеш Баязитованың бөгөн йәшлек юбилейы. Гөлйемеш маҡсатлы, үҙ эшенең оҫтаһы, һәләтле һәм уңған коллега. Уның тырышлығына һоҡланабыҙ, хөрмәт итәбеҙ! Тормошоң үҙең биҙәгән тапшырыуҙар кеүек матур, сағыу һәм яҡты булһын. Киләсәктә лә емешле ижад итеүеңде теләйбеҙ. Үрҙәр, асыштар һәм бейеклектәр! 💚

Хәйерле иртә! 🌿 Бөгөн республикала һәм Өфөлә көндөң аяҙлы болотло булыуы, урыны менән ҡар һәм епшек ҡар яуыуы көтөлә. Ҡайһы бер райондарҙа епшеҡ ҡарҙың тимер сымдары һәм ағастарға һырыуы ихтимал, юлда боҙлауыҡ. Ел көньяҡ-көнбайыштан талғын, көсәйеүсән. Һауа температураһы республикала -3,+2 градус, Өфөлә 0 градус.

🎼 «Үҙе китте, йыры ҡалды…» рубрикаһында халыҡ күңелендә йәшәгән йырҙарға яңы һулыш бирәбеҙ. Был юлы рубрикабыҙҙың геройы — башҡорт халыҡ йырҙарын үҙенсәлекле башҡарыуы менән тыңлаусыларҙың һөйөүен яулаған Сулпан Кейекбирҙина. Уның моңло тауышы, күңелдәргә үтеп ингән йырҙары беҙҙең хәтерҙә йәшәй. Сулпан Кейекбирҙинаның «Ҡарасай" йырынан илһамланып, яһалма зиһен ярҙамында видеояҙма әҙерләнек.

▶ Видео

🦬 Башҡортостанда зубрҙар һаны 33-кә етте! Күп йылдар элек республикабыҙ биләмәһенән юғалған был йәнлектәр хәҙер тыуған төйәгенә кире ҡайта. Уларҙы 2023 йылдан «Мораҙым тарлауығы» тәбиғәт паркында үрсетәләр. Тулыраҡ — карточкаларҙа 👉

🏹 Баймаҡ уҡсыһы — донъя чемпионатының көмөш призеры! Көньяҡ Кореяла уҡ атыу буйынса донъя чемпионаты үтте. Унда 84 команда, донъяның иң көслө 700-гә яҡын уҡсыһы көс һынашты. Яҡташыбыҙ, Баймаҡ районы егете Ғәфүр Рахманғолов Рәсәй йыйылма командаһы составында көмөш миҙал яуланы. Ул 90 метр алыҫлыҡтан уҡ атып, юғары һөҙөмтә күрһәтте. 🎯Яҡташыбыҙҙы ҡотлайбыҙ һәм яңы еңеүҙәр теләйбеҙ!

🎮 БПЛА операторы булыу өсөн нимәләрҙе белергә кәрәк? Дрон менән пульт аша идара итеү генә етмәй. Оператор техниканы хеҙмәтләндерә, электрониканы аңлай һәм ерҙә йүнәлеш таба белергә тейеш. Ҡул һәм бармаҡ хәрәкәттәренең теүәллеге лә ҙур әһәмиәткә эйә. Был хаҡта пилотһыҙ технологиялар подразделениеһы етәксеһе Рэдвал Неволин һөйләне. "Һөнәрҙең техник нескәлектәренә өс айҙа өйрәнергә мөмкин. Йәштәр идара итеү күнекмәләрен тиҙерәк үҙләштерә, быға компьютер уйындары тәжрибәһе лә ярҙам итә. Ә өлкәндәрҙең өҫтөнлөгө — электроника буйынса белем һәм инженерлыҡ тәжрибәһе", ти ул. БПЛА подразделение…

📑 Башҡортостан башлығына һорауҙар ҡабул ителә. Радий Хәбиров менән тура бәйләнеш 11 ноябрҙә була. Мөрәжәғәттәр республика етәксеһенең рәсми сайтында махсус бүлектә ҡабул ителә. Шулай уҡ МАКС һәм Телеграмда, Бәйләнештә, Класташтар селтәрендә чат-бот аша ҡалдырырға мөмкин. Дәүләт порталында ла туплана. MAКС ҡушымтаһы аша: https://max.ru/glavarb_pl_bot – «Бәйләнештә»: https://vk.me/glavarb_pl_bot – в «Класташтар»: https://ok.ru/group/70000042373707/messages 📹Видеоһорау ҡабул итеү 10 ноябрҙә 19:00 сәғәттә тамамлана.

🏙 Өфөлә студенттар кампусының икенсе этабын төҙөү тиҙҙән тамамлана. Кампус 2027 йылда тулыһынса эшләй башлай. Бында дүрт мең студент өсөн ятаҡ, уҡыу бүлмәләре, лабораториялар, спорт һәм ял итеү урындары булдырыла. 🔬 Ә кампустың IQ-паркында биш университеттың лабораториялары һәм ғилми үҙәктәрендә әле үк эш ҡайнай. Радий Хәбиров билдәләүенсә, кампус аныҡ һөҙөмтә бирергә тейеш. Бында студенттар, ғалимдар һәм эшҡыуарҙар бергәләп яңы технологиялар булдыра һәм уларҙы предприятиеларҙа ҡулланыуға индерә.