Шиғырҙар

Тәбиғәтем серҙәшем Баймырҙина Римма Күҙ йәшемде ситтәргә күрһәтмәй Күңел илағанын һиҙҙермәй, Тәбиғәт ҡосағына ҡасамын Эс серемде уға асамын. Өндәшмәй тын ғына, мине тыңлай Серҙәрем ситкә сәсмәй, аңлай. Киң күңелле ул, сабыр түҙемле Иркен тоям һиндә үҙемде. Сәстәрем туҙғытып ел иҫкәләй Күҙ йәшемде һөртеп иркәләй. Селтерәп аҡҡан шишмә ағышы Ҡыуған кеүек хәсрәт һағышым. Рухи байлыҡ, илһам үҫтереүсем! Дәрт дарман, көс ҡеүәт өҫтәүсем! Йән тыныслығын табам иң элек Йән тәнемә алам еңеллек!🤲🤲🤲

Йәшәү бәхет Римма Баймурзина Ҡәнәғәт бул барына – аҙһынма, Киң күңелле була бел – тарһынма. Яҙмыш ғәҙел түгел тип, ярһыма, Кеше өлөшөнә һин ҡул һуҙма. Асыу-үпкәң булһа, артта ҡалдыр, Рәнйеш-нәфрәт быуһа, утта яндыр. Була белһәң түҙемле һәм сабыр Бәхет һине үҙе эҙләп табыр. Этлек эшләмә, булма ҡәбәхәт, Изгелек ҡыл – ишек асыр йәннәт, Донъяла йәшәүе: ниндәй рәхәт, Була белһәң барына ҡәнәғәт.

Ваҡыты ҡыҫҡа, фаниҙың Баймырҙина Римма Ваҡыты ҡыҫҡа фани донъяның, Ҡәҙерләй бел, барын булғанын. Фаниҙан мәңгелекте һорама, Шөкөр итеп йәшә хоҙайға. Ике сифат иман эйәһендә Изгелек уның эргәһендә. Йөҙө нурлы ҡот уйнай йортонда, Яҡшылыҡ ҡылырға ынтыла. Бисмиллаһыҙ нәфсе һистә туймай Тоймай уны ҡомһоҙҙар, тыймай. Шул ҡылыҡтан һаҡла Хаҡ Тәғәләм, Нәфсе тигән яман бәләнән. Юғалтыуҙан ҡурҡҡандар мөлкәтен Мең йоҙаҡҡа бикләй келәтен. Хөкөм иткәнгә күңел тарлығы, Ярлы уның күңел байлығы. Миһырбанлыҡ, йомартлыҡ, яҡшылыҡ Иманһыҙҙар өсөн ят ҡылыҡ. Ҡомһоҙлоҡтан, һаранлыҡ, бурлыҡтан, Һаҡла Раббым, ям…

Пост без текста

Ғүмеркәйҙәр уҙа Баймырҙина Римма Ғүмеркәйҙәр уҙа тиеп Һис ҡасанда уфтанма. Яҙмыш янсыҡтарын тотоп Ҡартлыҡ тора тупҫала. Ғүмеркәйем уҙҙы тиеп Үпкәләмә яҙмышҡа. Балаларың балалары Үҫеп килә алмашҡа. Тормош тигән оло юлдың Күмелдем туҙанына. Әммә ләкин үкенмәйем Ғүмерҙең уҙғанына. Уйға батып, ҡарап торам Оло юлдың сатында. Ҡыҫҡарған һайын ҡыҫҡара Туҡталышта яҡында. Ғүмер заяға уҙманы Буш булмаҫ беҙҙең урын. Алды тормош йүгәндәрен Киләһе йәп - йәш быуын.

Бәлеш тәме Баймырҙина Римма Уйлап - уйлап йөрөнөм дә Тәмле бәлеш бешерҙем. Әтей - әнейле сағымды Тағын иҫкә төшөрҙөм. Иртә таңдан әней тороп Яға ине мейесен. Иҫ китәрлек тәмле еҫтәр Ялмай ине өй эсен. Хәҙер инде рәхәт тормош Түгел мейес яғырға. Ҡала бары ҙур табаңды Духовкаға тығырға. Үрҙәк ите, бәрәңгеһен Услап һыуғанын һалам. Күңел йылыһын ҡушамда Семәрләп өҫтөн ябам. Бына бәлеш бешеп сыҡты Тәмле еҫтәр таралды. Күңелемдә өп - өр яңы Матур шиғыр яралды.

Яҙ һулышы күңелдә Баймырҙина Римма Зәңгәр күккә бағып, хыялланып Киләсәккә осам шашынып. Сик ҡуймайса йөрәк ярһыуына Йүгерәмен һаман ашығып. Һалҡын ҡыштан сығам яҙҙарыма Бөрөләнеп сәскә атырға. Был тормоштоң бәхет - шатлыҡтарын Өлгөрәһе килә татырға. Үткәндәргә ҡарап үкенмәйем Сәскәле йәй ҡалды алыҫта. Аяҡ баҫам тиеп ашығамын Алтын көҙөм һалған балаҫҡа. Көҙгө шәфәҡ нуры алһыулана Офоҡтарҙа ҡояш байышы. Талпынһам да ҡабат яҙҙарыма Көҙҙәремә кереп барышым Күңелемдә яҙың һулышы.

Ваҡыт ҡәҙере Баймырҙина Римма Оҙон, ҡыҫҡа был ваҡыттың, Күләме, берәмеге Алтындан да ҡиммәт итеп Күрәбеҙ, беләбеҙме? Ваҡыт бит ул ҡай сағында Көттөрөп зарыҡтыра. Танһыҡ ҡына тойола ла Барыһын оноттора. Юҡ - барын юйып хәтерҙән Иң ҡәҙерлеһен һаҡлай. Юлдарыңда юлдаш булып Гелән эргәңдән атлай. Хаҡ Тәғәлә тарафынан Кеше ергә ярала. Йылы, айы, көн сәғәте Тәҡъдиреңә яҙыла. Йәшәү осоро туҡталыр Билдәләнгән ваҡытта. Ғүмер сәғәтең һуҡмаһа Йәшәп булмай минутта. Килеү булғас, китеү була Самалы ғүмеребеҙ. Ваҡытлыса барыһы ла Заманы, дәүеребеҙ. Яңы тыуған һәр көнөбөҙ Шаһит, ҡылған ғәмәлгә. "Ваҡыт б…

Әсәй кәрәк Баймырҙина Римма Әсә фатихаһы кәрәк Башлағанда һәр эште. Аяп ҡала ғазаптарҙан Әсәй фәрештә ише. Һанһыҙ кәртә ҡаршылыҡты Еңәргә ул өйрәтә. Ҡараңғыла аҙашҡанға Һәр ваҡыт юл күрһәтә. Ҡай сағында ауыр һүҙҙәр Телебеҙҙән ысҡына. Етмәй ҡала әсәйҙәргә Ваҡытыбыҙ йыш ҡына. Ҡайғы - һағыштар баҫмаһын Әсәйҙәрҙең күңелен. Ҡара болот ҡапламаһын Зәңгәр аяҙ күк йөҙөн. Доғала булған әсәйҙәр Юл ҡуйҙыртмаҫ йәбергә. Шатлыҡта ла, ҡайғыла ла Әсәйҙәр кәрәк беҙгә.

Күңел хисе Баймырҙина Римма Иләҫләнмә күңелкәйем Һин бит инде йәш түгел. Бик елкенмә йөрәккәйем "Һөйәм" тиеп, йәш түгеп. Үткән киткән, күптән бөткән Ярһыу хистәр һүрелгән. Күрәһеңме сәстәреңә Ап - аҡ төҫтәр һибелгән. Күктән йондоҙ күҙләмәйем Беләм күптән һүнгәнен. Яҡтылығы күҙҙәреңдең Күңелемә һеңгәнен. Аңламаҫһың күңел хисен Боҙҙай ҡаты, һалҡынһың. Ҡай сағында китәр иҫең Уттай ҡыҙыу ялҡын һин.