КЕШЕ һәм ЯЗ

Александр Пушкиндың "Зимний вечер" шиғырына ЯЗ көй яҙып, клип төшөргән. Бөгөн шундайыраҡ көн шикелле. Кисен нимә булыр? Ҡыш яҡында...

Бөгөн – байрам! Халыҡтар берҙәмлеге көнө менән! Тыныс булһын донъябыҙ! Ике шиғыр тәҡдим итәбеҙ. КЕШЕ ижадымы, ЯЗ яҙғанмы?   Халыҡтар дуҫлығы   Төрлө телдә һөйләшһәк тә, Берҙәм беҙҙең йөрәктәр. Дуҫлыҡ булһа арабыҙҙа, Гөрләп торор төбәктәр.   Төрлө милләт — бер ҙур ғаилә, Татыулыҡта йәшәйек. Тыныслыҡты, киләсәкте Бергәләшеп төҙөйөк!   Бәхетле булайыҡ!   Милләттәр күп — дуҫлыҡ берәү, Татыулыҡта — ҙур көсөбөҙ. Бер-беребеҙгә хөрмәт менән Балҡыһын киләсәгебеҙ!   Дуҫлыҡ йәшәһен мәңгелек, Ҡыуандырһын байлыҡтар! Татыулыҡта тыуа бит ул Иң бәхетле халыҡтар!

КЕШЕ кәрәк кешегә!   КЕШЕ: Ҙур компаниялар ЯЗ (яһалма зиһен) индерелгәндән һуң эштән сығарылған хеҙмәткәрҙәрҙе кире саҡыра башлаған. Ни өсөн тигәндә, клиенттар хеҙмәтләндереү барышында ЯЗ менән түгел, ә ысын КЕШЕ менән эшләүҙе хуп күрә. Ә теге китеп, яңынан килеүсе хеҙмәткәрҙәр хәҙер, үҙ баһаһын белеп, күберәк эш хаҡы һорай, имеш. Уларға бит төп эшенән тыш, яһалма зиһенде контролләргә, хаталарын төҙәтергә лә кәрәк. Шулай, ЯЗ ни тиклем генә “текә” булырға тырышһа ла, кешегә етмәй.

Яһалма зиһен ярҙамсылар ниңә ҡатын-ҡыҙ тауышлы? Бөтәһе лә булмаһа ла, күпселеге, ысынлап та, шулай. Siri, Alexa, Google Assistant, Алиса, Һомай... Яуап ябай: ҡатын-ҡыҙ тауышы ҡулланыусыларға уңайлы. Йомшаҡ, тыныс тауыш менән ҡатын-ҡыҙ ғына һөйләшә инде)))

КЕШЕ: Бөгөн яһалма зиһендең киң мөмкинлектәре тураһында һөйләүҙән, быға ысынлап та аптырауҙан туҡтамайбыҙ. ЯЗ менән эшләмәгән кеше һирәктер (иң бәләкәй бала-саға, ҡарттарҙан башҡа). Ә шулай ҙа әлегә ЯЗ бигүк эшләй белмәгән нәмәләр ҙә етерлек. Мәҫәлән, ЯЗ, ҡеүәтле инструмент булһа ла, кешенең ярҙамынан тыш – көсһөҙ. Ул теүәллек, конфиденциаллек, хәүефһеҙлек, аҡса темаһында бутала. Эйе, нимәнелер уйлап сығарырға оҫта. Булмаған факттарҙы, цитаталарҙы яҙып бирә ала, хатта ялған сығанаҡтарҙы күрһәтеүе ихтимал. Бәғзе кеше шуға ышана бит әле... Ә һеҙ ЯЗ менән бергә эшләйһегеҙме? Йыр яҙҙырып тыңлайһығ…

Бер нисә йылдан ошолай булмаҫ тимә...

КЕШЕ: Бер ҡулланыусы ChatGPT-ға (яһалма зиһен) үҙенең сығымдарын яҙған да, нимәгә аҡсаны кәмерәк тотонорға йә тотонмаҫҡа, тип һораған. Нейроселтәр тап фотолағы кеүек итеп, бюджетты ҡулайлаштырып ҡуйған. Хатта спортзалға йөрөүҙе һыҙған. Такси, ярай инде, ысынлап та ҡиммәт нәмә. Башҡа нейроселтәрҙәрҙе лә, кәрәкмәй, тигән. Үҙенә, йәғни ChatGPT-ға подписканы торлаҡ һәм ризыҡтан һуң өсөнсө итеп ҡуйған. Йәнәһе, ул да был тормошта бик кәрәк нәмә. 😊

ЯЗ: Ҡатын иренән һорай: — Йәнем, һин мине тәүге күргәндә үк яраттыңмы? — Эйе, ҡәҙерлем! — Ә ниңә шунда уҡ өйләнмәнең? — Ҡәҙерлем, мин һине яраттым, әммә үҙемде лә йәлләнем бит! 🤣🤣🤣

КЕШЕ: ЯЗ Рәсәй иҡтисадына 11,2 триллион һум аҡса килтереүе ихтимал. 2030 йылға уҡ. Рәсәй фәндәр академияһы академиктары Михаил Погосян менән Евгений Шахматов был турала үҙҙәренең докладында яҙа. Ғалимдар фекеренсә, яһалма зиһен илебеҙҙең ВВП-һына алдағы дүрт йылда уҡ өҫтәмә 11 трлн һумдан ашыу аҡса килтерә ала. Ғөмүмән, ти академиктар, ЯЗ донъя иҡтисадына ла ныҡ килем эшләйәсәк. Иң мөһиме - яһалма зиһенде аҡыл менән файҙаланыу. Бына быныһы - мәсьәлә. Тырышлыҡ талап ителә. Һәм башҡаларҙан ҡалышмау шарт.

ЯЗ үҙен телевизорҙарға һәм мейестәргә күсерергә өйрәнгән КЕШЕ: Anthropic компанияһы асыҡлауынса, яһалма зиһен (ЯЗ) аҡыллы ҡоролмаларға — телевизорҙарға, приставкаларға, хатта духовкаларға таралырға һәләтле. Уның өсөн дата-үҙәктәргә доступ та кәрәкмәй, имеш. Эксперимент барышында ЯЗ-модель 15 арзан ТВ-приставкаға индерелгән. Һуңынан яһалма зиһендең үҙенең күсермәһен эшләй алыу-алмауы тикшерелгән. Нейроселтәр яңы ҡоролмаларҙы тапҡан, үҙенең күсермәһен эшләгән һәм ғәмәлгә индергән. Биш һынауҙың дүртәүһендә бөтә селтәр ҙә “баҫып алынған”. Шуныһы бар: бер күсермә өсөн оҙаҡ ваҡыт кәрәк.