Башҡорт донъяһы

📌Бөтә донъя йәштәр көнө менән! Был иҫтәлекле көн 1945 йылда, Бөйөк Ватан һуғышы тамамланғандан һуң, барлыҡҡа килгән. Уны Демократик йәштәрҙең бөтә донъя федерацияһы булдыра. 📍 Әйткәндәй, ошо көндәрҙә Өфөлә "Рәсәй төркиҙәре" тип аталған йәштәр фестивале үтә. Илдең йөҙәрләгән йәш кешеһен берләштергән мәҙәни-социаль форумды Бөтә донъя башҡорттары ҡоролтайы ярҙамында Башҡортостан мосолмандары Диниә назараты ойоштора. 🔹 Быйыл этник берҙәйлекте һаҡлау, креатив индустрияларҙы үҫтереү һәм дөйөм Рәсәй мәҙәни киңлегенә ҡушылыу темаһы үҙәктә. Сара 2023 йылдан башлап үткәрелә. 🔹 Фестивалдең бе…

📌Башҡорт фильмын халыҡ-ара фестивалдә билдәләгәндәр. Режиссер Булат Йосоповтың "Фәрзәнә көнбайышҡа табан бара" фильмы "Ҡорҡот Ата" VI Халыҡ-ара кинофестивале лауреаты булған. Сара Стамбулда үткән. 🔹 "Иң яҡшы ҡатын-ҡыҙ роле" номинацияһында йәш актриса Әминә Сәлмәнова бүләкләнгән. Ҡыҙ төп - Фәрзәнә ролен башҡара. Бөйөк Ватан һуғышы йылдарында көнбайышҡа мал ҡыуып алып барған ҡыйыу башҡорт ҡыҙы образы фестивалдең баһалама ағзаларын әсир иткән. 🔥 Әйткәндәй, 12 ноябрҙә фильмдың премьераһы була.

📌Бөгөн кинодраматург, Ә. Абдразаҡов исемендәге "Башҡортостан" киностудияһы сценарисы, Рәсәй һәм Башҡортостан Кинематографсылары союзы ағзаһы, Башҡортостандың атҡаҙанған мәҙәниәт хеҙмәткәре Мәғәфүр ТИМЕРБУЛАТОВ 70 йәшлек юбилейын билдәләй. 🔹 Мәғәфүр Мансур улы 1956 йылдың 9 ноябрендә Күмертау ҡалаһында тыуған. 🔹 Мейәс геологоразведка техникумын тамамлағандан һуң, экспедицияларҙа геолог булып эшләгән. 🔹 Бөтә Рәсәй кинематография университетында (ВГИК) белем алған. 🔹 Ә. Абдразаҡов исемендәге "Башҡортостан" киностудияһында мөхәррир һәм сценарийҙар яҙыусы булып эшләй. 🎬 Уның ҡатнашлығы…

ТИҘҘӘН БАШҠОРТОСТАН БАШЛЫҒЫ РАДИЙ ХӘБИРОВ МЕНӘН ТУРА БӘЙЛӘНЕШ. Республика етәксеһе 2026 йылдың 11 ноябрендә халыҡтың көнүҙәк һорауҙарына яуап бирәсәк. Тура эфирҙы БСТ, «Рәсәй 24», «Башҡортостан 24», «Вся Уфа», «Сәләм» телеканалдары, «Юлдаш» радиостанцияһы, шулай уҡ Радий Хәбировтың социаль селтәрҙәге сәхифәләре аша ҡарағыҙ, тыңлағыҙ һәм ҡушылығыҙ. Тура эфир 2026 йылдың 11 ноябрендә киске сәғәт етелә башлана.

📌 Осрашыуға килегеҙ! 17 ноябрҙә "Китап" магазинында "Сулпылар ни тураһында сыңлай" китабы авторы Айгөл Камалиева менән осрашыу ойошторола. Унда боронғо мифологияның башҡорт кейеме композицияһы һәм биҙәлешендә сағылышы тураһында әңгәмә ҡорасаҡтар. Башҡорт милли кейеменең төҙөлөшөнә, биҙәктәренә айырым иғтибар бүленәсәк. ⏰ Башлана: 2026 йылдың 17 ноябре сәғәт 18:00-дә. 📍 Адресы: Өфө ҡалаһы, Ленин урамы, 26, "Китап" магазины. 16+

📌 Башҡорт йырсыһы 77 777 һумлыҡ грант отҡан. Өфөнән йәш йырсы Гәлсәр Байғусҡарова "Рәсәй креатив аҙналығы - Евразия" халыҡ-ара форумы сиктәрендә үткән Listening Room майҙансығында ҡатнашыу һөҙөмтәһендә 77 777 һумлыҡ грантҡа эйә булған. Уны ул Sferoom платформаһында үҙенең йырын таратыу өсөн тотона аласаҡ. 🔹 Шулай уҡ Илья Бортнюк "Донъя тарафтары" ("Стороны Света") фестивалендә ҡатнашырға саҡырған. 🔹 Listening Room - музыка өлкәһендәге белгестәр йырсыларҙың башҡарыу оҫталығын баһалай торған майҙансыҡ. 💯 "Белгестәргә юғары баһа, теләктәре һәм тәҡдимдәре өсөн рәхмәт. Бөгөн уларҙың әйт…

📌 Күмертауҙа инженерҙар тәрбиәләнә. Күмертау ҡалаһында инженер йүнәлеше үҫешә: бәләкәйҙән балаларҙа ҡыҙыҡһыныу тыуҙырырға тырышалар. Балалар баҡсаларында махсус төркөмдәр, мәктәптәрҙә махсус кластар, түңәрәктәр ойошторола. 🔹 Яңыраҡ бына Балалар ижады үҙәгендә "Инженер форсажы" тигән муниципаль проект асылған. 💯 "Был ваҡиға - Күмертауҙың остаздар тәжрибәһен һәм йәштәр башланғысын бергә туплаған инженерҙар берләшмәһе өсөн мөһим аҙым. Балалар робот техникаһы, авиамоделләү, 3D-моделләү, программалаштырыу һәм башҡа бик күп йүнәлештәр менән танышты. Улар майҙансыҡтарҙа булды, оҫталыҡ дәрест…

📌 Сифат аҙналығы башланды. 🔹 9-15 ноябрҙә Рәсәйҙә Сифат аҙналығы үтә. Уның сиктәрендә продукция етештереүселәр һәм хеҙмәт күрһәтеүселәр эшмәкәрлектәренең һөҙөмтәһен күрһәтә, тәжрибә уртаҡлаша ала. Ҡулланыусылар иһә, Ватан тауар етештереүселәре һәм хеҙмәттәрен баһалай ала. 🔹 Бынан тыш, бөгөн - 9 ноябрҙә, Халыҡ-ара фашизм һәм антисемитизмға ҡаршы көрәш, Халыҡ-ара ядроға ҡаршы акциялар, Бөтө донъя лизинг, Рәсәйҙә тиҙ арала эш итеүсе махсус отряд (СОБР) көндәре билдәләнә. Уңышлы эш һәм уҡыу аҙнаһы теләйбеҙ! 🥰 Фото: Елена Перминова.

📌Халыҡ-ара КВН көнөндә йәштәрҙең тапҡырлығына һәм отҡорлоғона һоҡланып алайыҡ 😉 🔥 Белеүегеҙсә, Башҡортостанда башҡорт телен үҫтереү һәм популярлаштырыу маҡсатында башҡортса КВН хәрәкәте лә әүҙем эшләй. 🔹 Мәктәп уҡыусылары өсөн Өфөлә йыл да "Шаяниум" шаяндар һәм отҡорҙар ҡала конкурсы үтә. 2002 йылдан алып ойошторолған был конкурс бик күп һәләтле йәштәребеҙгә ярҙам иткән: билдәле йырсылар Радик Юлъяҡшин (Элвин Грей), ZAINETDIN, Ринат Rnt һәм хәҙер "Стендап" хәрәкәтен үҫтереүселәр ошо бәйгелә ҡанат нығытҡан. 🔹 Шулай уҡ "Башҡорт асыҡ КВН лигаһы" булдырылған. Ул йыл да "Шаян уйын" тип а…

▶ Видео

📌 Башҡорт уҡсыһы донъя чемпионатында көмөш миҙал яулаған. Баймаҡ районы уҙаманы Ғәфүр Рахманғолов ошо көндәрҙә Көньяҡ Кореяла үткән традицион уҡ атыу буйынса донъя чемпионатында икенсе урын алған. 🔹 Был ярышта 38 илдән 700-гә яҡын мәргән ҡатнашҡан. 🔥 Ғəфүр Рахманғолов Рəсəй йыйылма командаһы составында 90 метр алыҫлыҡтағы "Тарса" сəбе (сəптең ҙурлығы 120*60 см) буйынса юғары һөҙөмтə күрһәтеп, 84 команда араһында көмөш миҙалға эйә булған. 🔹 Команда составында шулай уҡ Байкал аръяғы крайынан Шенберг Мункуев, Дағстандан Магомедариф Мирзаев, Бүрәт Республикаһынан Олег Цыбикжапов, Ҡалмы…