БСТ | Яңылыҡтар

⚡️Башҡортостан Башлығы Радий Хәбиров менән тура бәйләнеш Республика ауылдары һәм ҡалалары нисек йәшәй? Көндәлек тормош тураһындағы һорауҙар, уларға төбәк етәксеһенең яуаптары. Тура эфирҙы БСТ, «Рәсәй 24», «Башҡортостан 24», «Вся Уфа», ЮТВ, «Сәләм» телеканалдары, «Юлдаш» радиостанцияһы, шулай уҡ Радий Хәбировтың социаль селтәрҙәге сәхифәләре аша ҡарағыҙ, тыңлағыҙ һәм ҡушылығыҙ. Тура эфир 2026 йылдың 11 ноябрендә 19:00 башлана.

Өфөлә «Лабиринт» бойондороҡһоҙ мәҙәниәттәр фестивале ойошторолдо Заман сәнғәте, моң һәм ижад берләшмәләре бер майҙанда. Өфөлә «Лабиринт» бойондороҡһоҙ мәҙәниәттәр фестивале ойошторолдо. Тимер, гипс, быяла, туҡыма, йорт йыһаздарын һәм картиналарҙы башҡаларҙы ҡабатламаған ҡыйыу алымдар менән башҡарыусы ижадсылар менән беҙҙең ижади төркөм дә осрашты.

▶ Видео

Башҡортостанда «Сәләмәт Республика - сәләмәт төбәк» акцияһы 186 меңдән ашыу кешене тикшергән «Берҙәм Рәсәй» партияһының «Сәләмәт киләсәк» федераль партия проекты сиктәрендәге «Сәләмәт Республика-сәләмәт төбәк» акцияһы буйынса 8 йыл дауамында 1 миллион 200 мең медицина тикшереүе үткәрелгән. Быйыл ул 13 апрелдән 11 сентябргә тиклем уҙҙы. Мобиль комплекстар Өфө, Дыуан, Нефтекама, Октябрь, Стәрлетамаҡ һәм Белорет-республиканың 54 муниципаль районын үҙ эсенә алған алты маршрут буйынса йөрөнө.

▶ Видео

Башҡортостан Хөкүмәте Премьер-министры Александр Шельдяев эш сәфәре менән Баҡалы районында булды Ул ҡошсолоҡ фабрикаһы, яңы поликлиника һәм кадрҙар үҙәге эше менән танышты, шулай уҡ халыҡ мәшғүллеге мәсьәләләре буйынса кәңәшмә үткәрҙе. Кәңәшмә барышында Премьер-министр видеоэлемтә режимында Әбйәлил районында яңы кадрҙар үҙәге эшенә старт бирҙе.

▶ Видео

Башҡортостанда БСТ-ның күсмә студияһы халыҡтан мөрәжәғәттәр йыйыуҙы тамамланы Был аҙнала Республикаға идара итеү үҙәге менән БСТ телеканалының күсмә студияһының эше тамамланды. Мөһим сараға әҙерлек барышында халыҡтан видеоформатта һорауҙар яҙҙыртылды. Майҙансыҡтар Өфө, Нефтекама, Белорет, Бәләбәй ҡалаларында, Краснокама, Шишмә, Салауат, Дыуан, Балаҡатай райондарында эшләне. Балаҡатай-маршруттағы һуңғы нөктә булды. Артабан хеҙмәткәрҙәр яҙҙырылған мөрәжәғәттәрҙе эшкәртеүгә тотона. Тура линия барышында бер генә мөрәжәғәт тә иғтибарһыҙ ҡалмаясаҡ.

▶ Видео

✅ Башҡортостан Башлығы менән тура бәйләнешкә һорауҙар 2026 йылдың 10 ноябре 19:00 тиклем ҡабул ителә – Тәүҙә исем-фамилияғыҙҙы, атайығыҙҙың исемен, ауыл йәки ҡала, районығыҙҙы әйтегеҙ, артабан һорауығыҙҙы бирегеҙ. – Видеоның оҙонлоғо бер минуттан артыҡ булмаһын. – Яҡты бүлмәлә төшөрөгөҙ. Һорау биреүсенең йөҙө асыҡ күренһен, күләгә төшмәһен. – Тәҙрә, лампа йәки башҡа көслө яҡтылыҡ сығанаҡтарына ҡаршы төшөрмәгеҙ. – Видеоны яҙҙырғанда йәиһә телефондың алғы камераһына селфи режимында төшөргәндә, телефонды горизонталь тотоғоҙ. Ҡыбырлатмағыҙ. – Видео урамда яҙылһа, һеҙҙең тауыш яҡшы ишетелергә…

▶ Видео

⚡️Башҡортостан Башлығы Радий Хәбиров менән тура бәйләнеш Республика ауылдары һәм ҡалалары нисек йәшәй? Көндәлек тормош тураһындағы һорауҙар, уларға төбәк етәксеһенең яуаптары. Тура эфирҙы БСТ, «Рәсәй 24», «Башҡортостан 24», «Вся Уфа», ЮТВ, «Сәләм» телеканалдары, «Юлдаш» радиостанцияһы, шулай уҡ Радий Хәбировтың социаль селтәрҙәге сәхифәләре аша ҡарағыҙ, тыңлағыҙ һәм ҡушылығыҙ. Тура эфир 2026 йылдың 11 ноябрендә 19:00 башлана.

▶ Видео

Өфөлә скрипкасы һәм дирижер Рөстәм Сөләймәновты иҫкә алдылар Хөсәйен Әхмәтов исемендәге Башҡорт дәүләт филармонияһының орган залында күренекле скрипкасы, дирижер Рөстәм Сөләймәнов иҫтәлегенә арналған хәтер кисәһе үтте. Рөстәм Сәлих улы милли сәнғәттә яҡты эҙ ҡалдырған шәхес. Уның ярҙамында тиҫтәләрсә модерн һәм донъя музыка классикаһы республикала беренсе тапҡыр яңғырай.

▶ Видео

Өфөлә Халыҡ-ара вокал сәнғәте академияһы өсөнсө тапҡыр эшен башланы Башҡорт дәүләт опера һәм балет театрында Халыҡ-ара вокал сәнғәте академияһы. Мәҙәниәт өлкәһендәге мәғрифәтселек проекты өсөнсө тапҡыр ойошторола һәм уның беренсе өлөшө дүрт көн дауам итә. Махсус конкурс аша үткән 14 йәш вокалист өсөн белем биреү программаһында студенттар, профилле уҡыу йорттарын тамамлаусылар, Рәсәйҙән һәм яҡын сит илдәрҙән йәш артистар ҡатнаша.

▶ Видео

Башҡорт драма театры Гөлнур Яҡупованың «Йыртҡыс ҡаны» повесын сәхнәләштерә Театр репертуары Гөлнур Яҡупованың әҫәре менән байыясаҡ. Мәжит Ғафури исемендәге Башҡорт дәүләт академия драма театры Башҡортостандың халыҡ яҙыусыһының «Йыртҡыс ҡаны» повесы буйынса спектакль сәхнәләштерергә әҙерләнә. Спектаклдең режиссеры-Фирғәт Ғарипов, ҡуйыусы рәссамы-Альберт Нестеров, композиторы Урал Иҙелбаев. Әлеге ваҡытта репетициялар бара. Шуҡл уҡ ваҡытта сәхнә декорациялары ҡорола, кастюмдар тегелә.

▶ Видео